Hei Tatau Pounamu
Restorative Justice Trust
Kaitiaki Ohaoha - Whakahaumanu - Whakamahu
Ko te Whakakitenga
Ko tā mātou aronga nui kia whakatō i ngā tikanga hei hohou ai te rongo mō rātou mā kua oti whakawhiu. Arā kia tūtohu ai ngā kawekawe o te wā, otirā kia whai wā te hunga pāmamae ki te whakaoraora me te whakamana i ā rātou anō.
Ka whakamahi a Hei Tatau Pounamu i tētahi pūnaha pātengi raraunga tohutoro, arā ko Pūkete. He puna raraunga e tiaki ana i ngā rikoata kia noho motuhake ai, otirā kia noho haumaru ai ngā kōrero katoa ki tētahi wāhi. Ka uru te katoa o ngā tohutoro ki roto i te Pūkete, ā, mā te puka whakauru tohutoro kei raro iho. Mā te Kaiwhakamahere Matua e tono atu i ngā tohutoro ki ngā puna tika rawa.
E āhei ana ngā kaiwhakahaere te tiro atu ki ngā tohutoro mā roto i te pūnaha. Ka taea e rātou te tāpiri kōrero kēhi me ngā pitopito hui i a rātou e mahi ana, otirā te whakamotuhake i ngā kōrero ki te kaiwhakamahere. Ka tohu atu te papatohu i ngā kaiwhakahaere ki te ara o te whakatau kaiwhakahaere, ki ngā hui whakarite, tae noa ki ngā te taha tuhituhi o te whakatō tikanga kia hohou ai te rongo. Nā tērā ka puta ai ngā kōrero o roto i ngā rīpoata hohou te rongo kia tuku atu ki ngā tangata hirahira.
Pana i te pātene kei raro iho kia tikiake i tā mātou rautaki whakamahere
Tā Mātou Kaupapa
Ka kaha aro atu mātou ki te mana me te kaha o te tangata, kia whai mana te tangata ki te tuku i ō rātou ake pūrākau me te mahi ngātahi kia whiri ai te kete o te whanaungatanga. Ko te aronga nui kia arataki i te hunga mamae ki runga i te ara o te ora, kia titiro whakamuri kia kokiri whakamua hei orangatonutanga mo te katoa.
Ā-roopu nei, kei ā mātou te mana ki te whakatika i ngā hē, kia rarangahia ngā whiri o te ora, i ngā pūrākau o te tangata kia hua ake ai te ora me te whanaungatanga mo ngā rā e heke mai nei.
-
![restorative justice sentencing new zealand]()
Helen Bowen
TARAHITĪ
Kua roa nei a Helen e mahi ana i roto i ngā āhuatanga o te hohou te rongo. He kaiwhakaako e kaha poipoi ana i ngā kaiwhakahaere. E ai kia Helen ko ngā “tikanga” tētahi rongoā matua mō ngā tangata mamae otirā ngā tangata hara me ngā whānau.
-
![restorative justice sentencing new zealand]()
Tere Davis
HEAMANA
Ko ngā tangata te aronga matua o Tere. Ko ngā tikanga tērā e whakawhenua ana i a ia anō ki tēnei o ngā mahi. Otirā koia tētahi kaikawe tikanga kia haumaru ai te katoa.
-
![restorative justice sentencing new zealand]()
Rosie Abbott
TARAHITĪ
Kua roa nei a Rosie e tū ana hei kaiwhakahaere me te kaha hāpai i ngā tikanga i roto i āna mahi ki Hoani Waititi Marae, otirā ki te taha hohou i te rongo. Koia tērā he kaitiaki o te kaupapa me ngā tangata.
-
![restorative justice sentencing new zealand]()
Esma Brown
TARAHITĪ
He mema poari a Esma e kaha whāngai ana i te mana, te mātauranga me ngā tikanga i tōna nei tūranga tarahitī.
-
![restorative justice sentencing new zealand]()
Katherine Aldiss
MANAHAUTŪ
He tino puna mātauranga tā Katherine. Mai i ngā āhuatanga pūtea ki ngā taha whakahaere. Koia tērā kua kaha ū ki te mahi mo ngā tau 25.
katherine@heitataupounamu.org.nz -
![A woman with wavy brown hair smiling, wearing a beige top, standing against a plain light-colored background.]()
Jo Moore
KAIRURUKU MAHI
Kua 20 tau piki ake a Jo e mahi ana i roto i ngā puna o te Kōti-ā-Rohe o Aotearoa me te Tari Ture o te Karauna. Ka kaha whāngai ōnā wheako i āna pūkenga mahi i te taha manatika me te taha whanaungatanga.
jo@heitataupounamu.org.nz
Ko te Uaratanga / Tā mātou Kaupapa
Ko tā mātou aronga nui kia whakatō i ngā tikanga hei hohou ai te rongo mō rātou mā kua oti whakawhiu. Arā kia tūtohu ai ngā kawekawe o te wā, otirā kia whai wā te hunga pāmamae ki te whakaoraora me te whakamana i ā rātou anō.
Ā mātou Tukanga
-
Me whakahua i te hara me ngā mate o te hara.
He wāhi haumaru
Ka kite i te kaihara e whakamana i ngā raru kua mahia e rātou
Whai whakaaro
Ka whakautu i ngā pātai, “i ahatia”, “he aha ai”, otirā “he aha te take i pērā ai ki a ia”
-
Ngā Meka
Ngā Pūrākau - Hunga Hara/ Tatangata Pāmamae (mā te tangata pāmamae e tīpako i te raupapa)
Ngā whakawhiu - aro ki ngā Hara ka puta
-
Kia mātou he mea nui te whakarongo me te wānanga ki ngā whānau, hapū iwi hoki o te tangata hara kia whai otinga. He ara e whakawhirinaki ana i ngā kaumātua o te hāpori, me te whakaū i ngā tikanga i mua i te whakawāteatanga. Arā ka whakataki i tētahi hui whakahaumako tangata ki te taha o ngā whānau o ngā tangata mamae me ngā tangata hara. He wā kia hohou ai te rongo mā runga i te marae, kei reira ngā whānau o te tangata mamae, otirā ngā tūpuna anō hoki kia tino whakaū me te whakatika i ngā hapa.
E tautoko ana ēnei puna i a mātou: Ngāti Whātua, Whānau Ora, Tautoko Tangata Mamae me tētahi MoU ki Te Pa, kia Auckland Restorative Justice Trust hoki. Kua whai hononga hoki mātou ki ngā kaitohu whare herehere me ngā tini kaimahi e tautoko ana i te kaupapa.
Ko ngā Uara
-
to enable a pathway of restoration
-
to give compassion
-
to act in the right way.
-
to reveal the truth.
-
to embrace spiritual wellbeing.
-
to build strong relationships and strong community.
-
to protect and care for others.
-
to work cohesively with all stakeholders.
-
to empower people to exercise their mana.
-
to uplift the mana of others through service.
-
to recognise, respect and uphold the principles of Te Tiriti o Waitangi.
Tautoko i tā Mātou kaupapa
Ka tautoko ngā koha i a mātou ki te whakahaere i ngā kaupapa whakaū manatika, kia whakaora ai ngā oranga ō ngā whānau huri noa i Aotearoa
Koha ā Whitiwhiti Pēke
Ko te tino hiahia ō ētahi kaitautoko kia tono tōtika ai te pūtea ki te puna pūtea. Nā koutou te kōwhiringa kia whāngai i te kaupapa. He kōwhiringa e whakamana ana i te kaupapa whakarauora manatika mō ngā tangata kua pāmamae, te hunga hara me ngā whānau, hāpori hoki.
HTP Restorative Justice Trust
Puna Pūtea: 01-0495-0435099-00
Tēnā, whakauru i tō ingoa hei tohutoro, otirā whakapā mai ki info@heitataupounamu.org.nz mēnā e hiahia ana koe i tētahi rihīti tāke.
Ngā mihi nui mō tō tautoko i tā mātou nei kaupapa.
Whakapā
Mēnā he pātai tā koutou, tēnā whakapā mai ki:
info@heitataupounamu.org.nz
